EURI AZIDOA

Euri azidoa ohikoa baino azidoagoa den euria da. Kalteak sortzen ditu landare, uretako animalia eta eraikinetan. Euri azidoa gizakiaren eraginez gertatzen da gehien bat, honek eginiko sufre eta nitrogeno isuriengatik, eguratsean nahastean azidoa sortzen baita. 

Euri azidoa, zentral termikoek eta ibilgailuek sortutakoa da batez ere. Hauek erregai fosilak erretzean, tximinietatik edo ihesbideetatik, batez ere sufre eta nitrogeno oxidoa atmosferara isurtzen dituzte.Poluitzaile hauetako zati bat lurreratu egiten da eta beste zatia aireak eramaten ditu, ur-lurrinaz konbinatu eta azidoak sortuz.

Bi mekanismo daude SO₂ atmosferan SO₃ra oxidatzeko:

·         Heterogeneoa: hautsa eta hezetasun handia dagoenean ematen da.

·         Homogeneoa: hezetasunik ez dagoenean ematen da.

Mekanismo biak atmosferako kutsatzaileen bidez katalizatuta daude.

Atmosferako ur lurrunekin erreakzioa egiten dutenean, SO₂ eta NO emisioek H₂SO₃ eta HNO₃ sortzen dute, hurrenez hurren, eta lurrera eta izaki bizidunen gainera erortzen dira. Konposatu horiek atmosferan higitzen dira aerosol moduan, eta gas forman lurrean edo uretan ezartzen direnean (ezarpen lehorra), ekosistemak azidotzen dituzte.

Euri azidoak hainbat ondorio izaten ditu eta garrantzitsua da hauen artean ezberdintzea:

• UR EKOSISTEMAK: Ur ingurunetan lakuak dira ondorio larrienak jasaten dituztenak.

• LUR EKOSISTEMAK: Lehorrean, basoak dira kalteturik handienak.

• ERAIKUNTZAK: Euri azidoa gizakien etxebizitzei ere kalte eragiten die, margoetako eta eraikuntzetako materialak ukituz, ondorioz kaltetu ez ezik apurtu ditzakeelako.